لیونل میسی 21ویں صدی کے بہترین ایتھلیٹ قرار

انٹر میامی کے اسٹار فٹبالر لیونل میسی کو کینیڈین جریدے لی ژورنال ڈی کیوبیک نے 21ویں صدی کا بہترین ایتھلیٹ قرار دیا ہے۔ میسی نے اس رینکنگ میں اپنے روایتی حریف کرسٹیانو رونالڈو اور این ایف ایل لیجنڈ ٹام بریڈی سمیت دیگر عالمی اسپورٹس اسٹارز کو پیچھے چھوڑ دیا۔
یہ فہرست دنیا بھر کے 25 بااثر ترین ایتھلیٹس پر مشتمل ہے، جن میں ٹینس اسٹار سرینا ولیمز، تیز ترین انسان یوسین بولٹ اور باسکٹ بال کے لیبرون جیمز شامل ہیں۔ حیران کن طور پر کرسٹیانو رونالڈو اس فہرست میں دسویں نمبر پر رہے۔