مشیرِ وزیراعظم رانا ثناء اللہ نے کہا ہے کہ حکومت آئندہ بجٹ میں عوام کے لیے بہتر ریلیف پیکج لانے پر کام کر رہی ہے۔
فیصل آباد میں میڈیا سے گفتگو کرتے ہوئے انہوں نے واضح کیا کہ نوجوانوں سے ووٹ کا حق واپس لینے سے متعلق کسی قسم کی آئینی ترمیم زیر غور نہیں۔
رانا ثناء اللہ کا کہنا تھا کہ پاکستان کی سیاسی اور عسکری قیادت خطے میں امن کے قیام کے لیے بھرپور کردار ادا کر رہی ہے۔ انہوں نے مزید کہا کہ پاکستان ایک مضبوط ایٹمی طاقت ہے اور ہر قسم کے خطرات کا مقابلہ کرنے کی صلاحیت رکھتا ہے۔