سوات ایکسپریس وے پر اسماعیلیہ کے قریب مسافر بس اور وین کے درمیان شدید تصادم کے نتیجے میں 16 افراد جاں بحق جبکہ 8 زخمی ہو گئے۔
ریسکیو حکام کے مطابق سڑک کنارے کھڑی بس سے تیز رفتار وین جا ٹکرائی۔ بس کراچی سے بونیر جبکہ وین راولپنڈی سے دیر جا رہی تھی۔ ابتدائی تحقیقات میں حادثے کی وجہ ڈرائیور کی غفلت بتائی جا رہی ہے۔
امدادی ٹیموں نے فوری کارروائی کرتے ہوئے زخمیوں اور جاں بحق افراد کو قریبی اسپتال منتقل کیا۔ گورنر خیبرپختونخوا نے واقعے پر افسوس کا اظہار کرتے ہوئے متاثرہ خاندانوں سے تعزیت کی ہے۔