محکمہ موسمیات نے آج سے 31 مئی تک ملک کے مختلف علاقوں میں شدید گرمی کی لہر کی پیشگوئی کرتے ہوئے خبردار کیا ہے کہ درجہ حرارت معمول سے 5 سے 7 ڈگری سینٹی گریڈ زیادہ رہ سکتا ہے۔
رپورٹ کے مطابق سندھ، بلوچستان اور جنوبی پنجاب کے کئی شہروں میں پارہ 47 سے 50 ڈگری سینٹی گریڈ تک پہنچنے کا امکان ہے، جبکہ کراچی میں درجہ حرارت 35 سے 38 ڈگری کے درمیان رہنے کی توقع ہے۔
گزشتہ روز دادو میں سب سے زیادہ 49 ڈگری سینٹی گریڈ درجہ حرارت ریکارڈ کیا گیا، جبکہ جیکب آباد، لاڑکانہ اور دیگر شہروں میں بھی شدید گرمی دیکھی گئی۔ محکمہ موسمیات نے شہریوں کو احتیاطی تدابیر اختیار کرنے کا مشورہ دیا ہے۔