امریکا نے متعدد تجارتی شراکت دار ممالک پر نئے ٹیرف نافذ کر دیے

ٹرمپ انتظامیہ نے 60 تجارتی شراکت دار ممالک پر نئے درآمدی ٹیرف نافذ کر دیے ہیں، جن کا اطلاق آج 24 جولائی سے شروع ہو گیا ہے۔ یہ اقدام امریکی ٹریڈ ایکٹ 1974 کے سیکشن 301 کے تحت کیا گیا ہے۔

رپورٹس کے مطابق جبری مشقت کے خلاف قوانین پر جزوی عمل درآمد کرنے والے ممالک پر 10 فیصد جبکہ ایسے ممالک پر، جہاں یہ قوانین نافذ نہیں، 12.5 فیصد ٹیرف عائد کیا گیا ہے۔ 10 فیصد ٹیرف کی فہرست میں پاکستان، بھارت، برطانیہ، کینیڈا، بنگلا دیش، ملائیشیا اور میکسیکو سمیت متعدد ممالک شامل ہیں۔

امریکی حکام کے مطابق نئے ٹیرف زیادہ تر درآمدی اشیا پر لاگو ہوں گے، تاہم خام تیل، قدرتی گیس، کھاد، بعض غذائی اجناس اور چند دیگر اہم مصنوعات کو اس سے استثنیٰ حاصل ہوگا۔