انگلینڈ کے فاسٹ بولر برائیڈن کارس کو ڈربی کے ایک نائٹ کلب میں پیش آنے والے واقعے کے بعد پولیس نے حراست میں لے لیا۔ انہیں پولیس اہلکاروں کے ہمراہ اسٹیشن منتقل کیا گیا، جبکہ واقعے کی نوعیت تاحال واضح نہیں کی گئی۔
انگلینڈ اینڈ ویلز کرکٹ بورڈ نے واقعے کی تصدیق کرتے ہوئے کہا ہے کہ معاملے کی تحقیقات جاری ہیں۔ برائیڈن کارس حالیہ ایشز سیریز میں انگلینڈ کے نمایاں بولرز میں شامل تھے اور 22 وکٹیں حاصل کرچکے ہیں۔
رپورٹس کے مطابق یہ واقعہ ٹیم کی جانب سے کھلاڑیوں کے لیے رات گئے باہر رہنے کی پابندی ختم کیے جانے کے چند روز بعد پیش آیا ہے۔ تاہم پولیس تحقیقات مکمل ہونے تک کارس کے خلاف واقعے کی نوعیت یا ذمہ داری سے متعلق حتمی بات کہنا قبل از وقت ہوگا۔