شام کے وزیر خارجہ اسعد حسن الشیبانی کے دورۂ پاکستان کو دونوں ممالک کے تعلقات میں اہم پیش رفت قرار دیا گیا ہے۔ دورے کے دوران سیاسی، سیکیورٹی اور معاشی تعاون بڑھانے کے امور پر بات چیت ہوئی۔
پاکستان نے شام کی خودمختاری اور مقبوضہ گولان سے متعلق اس کے مؤقف کی حمایت کا اعادہ کیا جبکہ ادلب میں اسرائیلی حملے کی بھی مذمت کی۔ شامی وزیر خارجہ نے وزیراعظم شہباز شریف، اسحاق ڈار، فیلڈ مارشل عاصم منیر اور دیگر اعلیٰ حکام سے ملاقاتیں کیں۔