کراچی کے علاقے گلشن معمار میں مبینہ پولیس مقابلے کے دوران 3 ملزمان ہلاک جبکہ ایک پولیس اہلکار زخمی ہوگیا، جسے فوری طور پر اسپتال منتقل کر دیا گیا۔
پولیس کے مطابق اطلاع ملنے پر عمر بروہی گوٹھ میں کارروائی کی گئی، جہاں ایک مکان میں موجود ملزمان نے فائرنگ کر دی۔ جوابی کارروائی میں تینوں ملزمان زخمی ہوئے، تاہم اسپتال منتقلی کے دوران دم توڑ گئے۔
پولیس کا کہنا ہے کہ ہلاک ملزمان متعدد جرائم میں مطلوب تھے، جبکہ ان کے مجرمانہ ریکارڈ کی جانچ جاری ہے۔ دوسری جانب شہر کے مختلف علاقوں میں کارروائیوں کے دوران مزید 5 مشتبہ ملزمان کو بھی گرفتار کر لیا گیا ہے۔