وزیرِ خارجہ اسحاق ڈار نے تصدیق کی ہے کہ عبدالستار ایدھی کے پوتے سعد ایدھی سمیت گلوبل صمود فلوٹیلا کے تمام کارکنان کو اسرائیلی حراست سے رہا کروا لیا گیا ہے۔
اسحاق ڈار کے مطابق سعد ایدھی دیگر کارکنان کے ساتھ بحفاظت استنبول پہنچ گئے ہیں، جبکہ انہوں نے اس سلسلے میں ترکیہ کی حکومت کے کردار کو سراہا۔
وزیرِ خارجہ نے انسانی حقوق کے کارکنان کی حراست اور ان کے ساتھ مبینہ غیر انسانی سلوک کو قابلِ مذمت قرار دیتے ہوئے فلسطینی عوام کے ساتھ پاکستان کی حمایت جاری رکھنے کے عزم کا اعادہ بھی کیا۔