جسٹس منیب اختر نے قائم مقام چیف جسٹس آف پاکستان کے عہدے کا حلف اٹھا کر اپنی ذمہ داریاں سنبھال لیں۔ حلف برداری کی تقریب سپریم کورٹ کراچی رجسٹری میں منعقد ہوئی، جہاں انہیں حلف دلایا گیا۔
تقریب میں سپریم کورٹ، وفاقی آئینی عدالت کے ججز اور دیگر اعلیٰ عدالتی شخصیات نے شرکت کی۔ جسٹس منیب اختر چیف جسٹس یحییٰ آفریدی کی بیرونِ ملک مصروفیات کے دوران قائم مقام چیف جسٹس کے فرائض انجام دیں گے۔