خیبر پختونخوا کے وزیرِ اعلیٰ علی امین گنڈاپور نے کہا ہے کہ بانی پاکستان تحریکِ انصاف کی رہائی کے لیے جاری کوششوں میں مطلوبہ پیش رفت نہیں ہو سکی۔ ان کا مؤقف ہے کہ پارٹی سربراہ کے خلاف قائم مقدمات بے بنیاد ہیں اور انہیں اہلِ خانہ و قانونی ٹیم سے مکمل ملاقاتوں کی سہولت بھی نہیں دی جا رہی۔
انہوں نے مزید کہا کہ پارٹی کے بعض تحفظات رکھنے والے ارکان حکومت یا بجٹ کے مخالف نہیں، بلکہ ان کے اپنے چند خدشات ہیں جنہیں دور کرنے کی کوشش کی جا رہی ہے۔
علی امین گنڈاپور کا کہنا تھا کہ ماضی میں ان کے بارے میں یہ تاثر دیا جاتا رہا کہ وہ بانی پی ٹی آئی سے ملاقات نہیں کرتے، حالانکہ ان کی ملاقاتیں ہوتی رہی ہیں، اگرچہ ان کی تعداد محدود تھی۔