سعودی ہلال الاحمر کی رضاکار ٹیم میں خدمات انجام دینے والی جڑواں بہنیں امجاد العمری اور امواج العمری عازمین حج کی مدد کر کے انسانیت کی خدمت کی ایک خوبصورت مثال بن گئی ہیں۔
دونوں بہنوں کا کہنا ہے کہ بچپن سے ہی دوسروں کی مدد کا جذبہ ان کی شخصیت کا حصہ رہا ہے، جس نے انہیں رضاکارانہ خدمات کی طرف راغب کیا۔
امواج العمری کے مطابق وہ ابتدائی طبی امداد اور فیلڈ ٹریننگ کے ذریعے اب دیگر رضاکاروں کو بھی تربیت دے رہی ہیں، جبکہ ان کی بہن امجاد العمری ہلال الاحمر میں بطور ٹرینر خدمات انجام دے رہی ہیں۔
دونوں بہنوں کا کہنا ہے کہ عازمین حج کی خدمت کے دوران انہیں جو روحانی خوشی اور سکون ملتا ہے وہ ان کی تمام تھکن کو ختم کر دیتا ہے۔