مشاعر مقدسہ کی ترقیاتی کمپنی کدانہ نے میدان عرفات میں مسجد نمرہ کے اطراف ماحول کو ٹھنڈا رکھنے کے لیے اہم منصوبے مکمل کر لیے ہیں۔
تقریباً 85 ہزار مربع میٹر رقبے پر شیڈ سٹرکچر نصب کیا گیا ہے جبکہ گرمی کی شدت کم کرنے کے لیے خصوصی پھوار والے پنکھے بھی لگائے گئے ہیں۔
اس کے علاوہ علاقے میں درجنوں واٹر کولرز، سایہ دار راہداریاں اور ہزاروں درخت بھی لگائے گئے ہیں تاکہ عازمین حج کو زیادہ آرام دہ ماحول فراہم کیا جا سکے۔
یہ اقدامات حج کے دوران سہولت، حفاظت اور بہتر انتظامی سہولیات کو یقینی بنانے کے لیے کیے گئے ہیں۔