مسجد الحرام کے مقدس ماحول میں عازمین حج کے لیے موبائل فون صرف رابطے کا ذریعہ نہیں رہے بلکہ اپنے جذبات اور روحانی تجربات کو دنیا بھر میں موجود اہل خانہ تک پہنچانے کا ذریعہ بن گئے ہیں۔
حجاج کرام طوافِ کعبہ اور نماز کی ادائیگی کے بعد اپنے خوشی اور عقیدت سے بھرپور لمحات اپنے گھروں تک صوتی پیغامات اور ویڈیوز کے ذریعے پہنچا رہے ہیں۔
کچھ عازمین خوشی کے آنسوؤں کے ساتھ دعائیں شیئر کرتے نظر آتے ہیں جبکہ کچھ تکبیرات اور اذان کی آوازیں ریکارڈ کر کے اپنے اہل خانہ کو اس روحانی ماحول میں شریک کرتے ہیں۔
یہ مناظر مختلف زبانوں اور ثقافتوں کے باوجود ایک ہی جذبے کی عکاسی کرتے ہیں، جو بیت اللہ کے دیدار کی بے مثال خوشی کو ظاہر کرتے ہیں۔