وزیرِ اعظم شہباز شریف نے کابینہ کی اقتصادی رابطہ کمیٹی کے ارکان کی تعداد بڑھانے کی منظوری دے دی ہے، جس کے بعد وفاقی وزیرِ تعلیم ڈاکٹر خالد مقبول صدیقی کو بھی کمیٹی میں شامل کر لیا گیا ہے۔
دوسری جانب اسپیشل اکنامک زونز ترمیمی بل 2026ء کی بھی منظوری دے دی گئی ہے، جس پر صدرِ مملکت آصف علی زرداری نے دستخط کر دیے ہیں۔
حکومتی حلقوں کے مطابق ان اقدامات کا مقصد معاشی امور میں مزید مؤثر مشاورت اور سرمایہ کاری کے فروغ کو یقینی بنانا ہے۔