پشاور، اسلام آباد، جہلم اور نوشہرہ میں بارش، خیبرپختونخوا میں 12 افراد جاں بحق

پشاور کے مختلف علاقوں میں تیز ہواؤں کے ساتھ بارش ہوئی، جبکہ اسلام آباد، جہلم اور نوشہرہ میں بھی بارش ریکارڈ کی گئی۔

پی ڈی ایم اے کے مطابق خیبرپختونخوا میں گزشتہ 24 گھنٹوں کے دوران شدید بارشوں سے پیش آنے والے مختلف حادثات میں 12 افراد جاں بحق اور 14 زخمی ہوئے۔ جاں بحق افراد میں 5 بچے اور ایک خاتون بھی شامل ہیں۔

حکام کے مطابق بارشوں سے پشاور، خیبر، مردان، بونیر، باجوڑ، لوئر چترال، ایبٹ آباد، مانسہرہ، تورغر اور کرم کے اضلاع متاثر ہوئے، جبکہ متعلقہ ادارے امدادی سرگرمیوں اور نقصانات کے جائزے میں مصروف ہیں۔