ریاض کے قریب ملہم میں جاری انٹرنیشنل فالکن بریڈرز آکشن میں سلووینیا کے ایک فارم نے پہلے ہی روز اپنے تمام 23 باز فروخت کر دیے۔ نیلامی میں پیور جیرفالکن اور مختلف ہائبرڈ نسلوں کے باز شامل تھے۔
فارم کے نمائندے کے مطابق خریداروں کی بھرپور دلچسپی نے بازوں کے اعلیٰ معیار کو نمایاں کیا۔ 21 روزہ بین الاقوامی نیلامی میں دنیا بھر کے بریڈرز اور خریدار شریک ہیں، جہاں مختلف اعلیٰ نسلوں کے باز ایک ہی پلیٹ فارم پر دستیاب ہیں۔