جدہ کے شمالی ساحل پر واقع مسجد الرحمہ اپنی منفرد تعمیر کے باعث شہر کی نمایاں شناخت بن چکی ہے۔ سمندر کے اوپر ستونوں اور پل پر قائم ہونے کی وجہ سے اسے ’فلوٹنگ مسجد‘ بھی کہا جاتا ہے۔
مسجد کا طرزِ تعمیر اسلامی اور جدید فنِ تعمیر کا خوبصورت امتزاج ہے، جس میں مرکزی گنبد، بلند مینار، محرابیں اور اسلامی خطاطی نمایاں ہیں۔ قدرتی روشنی اور بحیرۂ احمر کا حسین منظر مسجد کے ماحول کو مزید پُرسکون اور دلکش بنا دیتا ہے۔