کراچی کی مقامی عدالت نے منشیات کیس میں گرفتار انمول عرف پنکی کا جوڈیشل ریمانڈ کالعدم قرار دے دیا ہے۔ عدالت نے ریمارکس دیے کہ ڈیوٹی مجسٹریٹ کی جانب سے جاری کیا گیا حکم غیر واضح اور قانونی تقاضوں کے مطابق نہیں تھا۔
سماعت کے دوران تفتیشی افسر نے شریک ملزمان کے جسمانی ریمانڈ کی درخواست بھی دائر کی، تاہم عدالت نے اسے مسترد کرتے ہوئے کہا کہ موبائل فونز کی جانچ فرانزک اور آن لائن تصدیق کے ذریعے بھی ممکن ہے، اس کے لیے ملزمان کی تحویل ضروری نہیں۔
عدالت نے شریک ملزمان کے حوالے سے نظرِ ثانی کی درخواست بھی مسترد کر دی۔