سعودی عرب کے قومی مرکز برائے موسمیات کے مطابق رواں حج سیزن میں مکہ مکرمہ اور مشاعر مقدسہ میں موسم انتہائی گرم رہنے کی توقع ہے۔
رپورٹ کے مطابق یکم ذوالحجہ سے آٹھ ذوالحجہ تک درجہ حرارت 44 سے 47 ڈگری سینٹی گریڈ تک پہنچ سکتا ہے، جبکہ نمی اور گرد آلود ہوائیں بھی صورتحال کو مزید سخت بنا سکتی ہیں۔
ماہرین کے مطابق یوم عرفہ کے بعد درجہ حرارت میں معمولی کمی آئے گی، تاہم موسم مجموعی طور پر گرم ہی رہے گا اور بعض علاقوں میں گرد و غبار اور تیز ہوائیں چلنے کا امکان ہے۔
موسمیاتی حکام نے حج انتظامات کے دوران احتیاطی تدابیر اختیار کرنے اور موسم کے مطابق سہولتوں کو مزید بہتر بنانے کی ہدایت کی ہے۔