اسلام آباد ہائیکورٹ میں تقریباً ڈیڑھ گھنٹے تک بجلی کی بندش کے باعث عدالتی امور متاثر رہے، جبکہ شدید گرمی اور اندھیرے نے وکلاء، سائلین اور عدالتی عملے کو مشکلات میں ڈال دیا۔
بجلی معطل ہونے کے بعد کورٹ رومز کے دروازے کھول دیے گئے تاکہ ہوا کی آمد و رفت جاری رہ سکے، جبکہ متعدد افراد عدالتوں کے باہر انتظار کرنے پر مجبور رہے۔
بعد ازاں بجلی بحال ہونے کے بعد عدالتی سرگرمیاں دوبارہ معمول پر آنا شروع ہو گئیں۔