لاہور ٹریفک پولیس نے ون ویلنگ اور ہلڑ بازی کے خلاف کارروائی کرتے ہوئے ڈیفنس بلیوارڈ سے ایک مبینہ گینگ لیڈر کو گرفتار کر لیا۔ پولیس کے مطابق ملزم پر سوشل میڈیا کے ذریعے خطرناک اسٹنٹس اور قانون شکنی کو فروغ دینے کا الزام ہے، جبکہ اس کا ڈیجیٹل ریکارڈ بھی تحویل میں لے لیا گیا ہے۔
پولیس حکام کا کہنا ہے کہ مفرور ساتھیوں کی تلاش جاری ہے اور جشنِ آزادی سے قبل ون ویلنگ کے خلاف خصوصی مہم چلائی جائے گی۔ شہر کی اہم شاہراہوں پر اضافی نفری تعینات کر دی گئی ہے تاکہ شہریوں کی حفاظت اور ٹریفک قوانین پر عمل درآمد یقینی بنایا جا سکے۔