کراچی کے منگھوپیر روڈ پر واقع ایک نجی ہاؤسنگ سوسائٹی سے 2 سالہ بچہ مبینہ طور پر اغوا کر لیا گیا۔ پولیس کے مطابق بچہ گھر کے باہر کھیل رہا تھا کہ اسی دوران موٹر سائیکل سوار شخص اسے اپنے ساتھ لے گیا۔
حکام کا کہنا ہے کہ واقعے کی سی سی ٹی وی فوٹیج حاصل کر لی گئی ہے اور مقدمہ درج کر کے ملزم کی تلاش شروع کر دی گئی ہے۔ دوسری جانب اہلِ علاقہ اور لواحقین نے بچے کی جلد بازیابی کے لیے احتجاج کرتے ہوئے فوری کارروائی کا مطالبہ کیا ہے۔