رابطۂ عالم اسلامی کے سیکریٹری جنرل ڈاکٹر محمد بن عبدالکریم العیسیٰ نے اسلام آباد کے دورے کے دوران چیئرمین سینیٹ یوسف رضا گیلانی سے ملاقات کی، جس میں سینیٹ کے اعلیٰ عہدیداروں اور مختلف سیاسی جماعتوں کے رہنماؤں نے بھی شرکت کی۔ ملاقات میں باہمی دلچسپی کے امور، مکالمے، اعتدال پسندی اور مذہبی رواداری کے فروغ پر تبادلۂ خیال کیا گیا۔
ڈاکٹر العیسیٰ نے چیف جسٹس پاکستان یحییٰ آفریدی سے بھی ملاقات کی، جہاں مذہبی ہم آہنگی، سماجی استحکام، انصاف اور مختلف طبقات کے درمیان باہمی تعاون کو فروغ دینے سے متعلق امور پر گفتگو کی گئی۔