بابر اعظم کی واپسی متوقع، آسٹریلیا سیریز کیلئے مشاورت جاری

آسٹریلیا کے خلاف ون ڈے سیریز کیلئے قومی ٹیم کے انتخاب پر اہم مشاورت جاری ہے، جبکہ سابق کپتان بابر اعظم کی اسکواڈ میں واپسی کا امکان ظاہر کیا جا رہا ہے۔

ذرائع کے مطابق فخر زمان، سفیان مقیم اور حنین شاہ کو بھی ٹیم میں شامل کیے جانے کا امکان ہے، جبکہ چند کھلاڑیوں کی جگہ برقرار رہنا مشکل دکھائی دے رہا ہے۔ محمد رضوان کے حوالے سے بھی غور جاری ہے۔

آسٹریلوی ٹیم 23 مئی کو اسلام آباد پہنچے گی، جبکہ سیریز کے میچز 30 مئی، 2 جون اور 4 جون کو کھیلے جائیں گے۔ قومی ٹیم 22 مئی سے راولپنڈی میں تربیتی کیمپ شروع کرے گی۔