سلہٹ ٹیسٹ: پاکستان کو بڑا ہدف، دوسری اننگز میں مشکلات برقرار

سلہٹ ٹیسٹ کے چوتھے روز پاکستان نے 437 رنز کے ہدف کے تعاقب میں اپنی دوسری اننگز جاری رکھی، تاہم ابتدائی وکٹیں جلد گرنے سے ٹیم دباؤ کا شکار دکھائی دے رہی ہے۔

عبداللّٰہ فضل 6 رنز بنا کر آؤٹ ہوئے جبکہ اذان اویس 21 رنز کے ساتھ پویلین واپس لوٹ گئے۔ بنگلادیشی بولرز نے آغاز ہی سے پاکستانی بیٹنگ لائن پر دباؤ برقرار رکھا۔

یاد رہے کہ پاکستان پہلی اننگز میں 232 رنز بنا سکا تھا، جبکہ بنگلادیش نے دونوں اننگز میں مجموعی طور پر مضبوط اسکور بنا کر میچ پر اپنی گرفت مضبوط کر لی ہے۔