ذرائع کے مطابق بشریٰ بی بی کی بیٹی کو جلد اڈیالہ جیل میں والدہ سے ملاقات کی اجازت ملنے کا امکان ہے۔ بتایا جا رہا ہے کہ یہ پیشرفت پسِ پردہ رابطوں اور معاملات کو نرم کرنے کی کوششوں کا نتیجہ ہے۔
ذرائع کا کہنا ہے کہ حکام نے ملاقاتوں کی تفصیلات عوامی سطح پر آنے پر تحفظات کا اظہار کیا تھا، جس کے بعد آئندہ ملاقاتوں کے حوالے سے خاموشی برقرار رکھنے پر زور دیا گیا۔
دوسری جانب عمران خان کی بہنوں کی ملاقاتوں کے معاملے پر بھی رابطے جاری ہیں، جبکہ بعض بیانات پر متعلقہ حلقوں کی جانب سے تحفظات سامنے آئے ہیں۔