ہالی ووڈ اداکارہ انجلینا جولی نے سابق شوہر بریڈ پٹ سے طویل قانونی جنگ اور طلاق کے بعد اپنی ذاتی زندگی سے متعلق کھل کر گفتگو کی ہے۔
ایک حالیہ انٹرویو میں ان کا کہنا تھا کہ ایک وقت ایسا بھی آیا جب وہ مشکلات کے خلاف لڑنے کی ہمت کھو بیٹھیں، تاہم اب وہ دوبارہ خود کو مضبوط محسوس کر رہی ہیں۔
انجلینا جولی کے مطابق ان کے بچوں نے انہیں زندگی میں آگے بڑھنے اور دوبارہ فعال کردار ادا کرنے کی ترغیب دی۔ انہوں نے کہا کہ ان کے بچے اب بڑے ہو چکے ہیں اور چاہتے ہیں کہ وہ نئے تجربات کریں اور اپنی زندگی خود کے فیصلوں کے ساتھ گزاریں۔
اداکارہ نے مزید کہا کہ وہ اپنی شخصیت کے مضبوط پہلوؤں کو دوبارہ اجاگر کرنے کی کوشش کر رہی ہیں اور زندگی کو نئے انداز سے دیکھ رہی ہیں۔