اسپین میں ٹرین حادثہ، 21 افراد جان سے گئے

جنوبی اسپین میں دو تیز رفتار ٹرینوں کے تصادم کے نتیجے میں 21 افراد ہلاک اور 100 سے زائد زخمی ہو گئے۔ رپورٹ کے مطابق ایک ٹرین پٹری سے اتر کر سامنے سے آنے والی دوسری ٹرین سے ٹکرا گئی، جس سے دونوں گاڑیوں کو شدید نقصان پہنچا۔

حادثے میں میڈرڈ سے ہیولوا جانے والی ٹرین کا ڈرائیور بھی ہلاک ہوا۔ واقعے کے وقت ایک ٹرین میں 300 سے زیادہ جبکہ دوسری میں تقریباً 100 مسافر سوار تھے۔ حکام نے ٹرین سروس عارضی طور پر بند کر کے تحقیقات شروع کر دی ہیں۔