سعودی عرب کے جازان ریجن میں جبل اسود پر قائم سحاب ویو پوائنٹ سیاحوں کو بادلوں اور دھند کے درمیان منفرد قدرتی مناظر دیکھنے کا موقع فراہم کرتا ہے۔ یہاں 250 میٹر سے زائد طویل لکڑی کا واک وے بھی موجود ہے۔
جبل اسود گرمیوں میں ٹھنڈے موسم اور خوبصورت پہاڑی نظاروں کے باعث سیاحوں کی توجہ کا مرکز بنتا ہے۔ یہ مقام جیزان شہر سے تقریباً 124 کلومیٹر دور ہے اور ہائیکنگ سمیت مختلف تفریحی سرگرمیوں کے لیے بھی موزوں سمجھا جاتا ہے۔