کراچی کے پوش علاقوں میں منشیات سپلائی کرنے والے 2 ملزمان کی تحقیقاتی رپورٹ سامنے آ گئی ہے، جس میں انکشاف کیا گیا ہے کہ گرفتار افراد انمول عرف پنکی کے لیے کوکین فراہم کرتے تھے۔
رپورٹ کے مطابق ملزمان نوجوان لڑکوں، لڑکیوں اور تعلیمی اداروں کے طلبہ تک منشیات پہنچانے میں ملوث تھے۔ پولیس نے انہیں اس وقت گرفتار کیا جب وہ مبینہ طور پر کوکین سپلائی کے لیے جا رہے تھے۔
تحقیقات کے دوران ملزمان کے قبضے سے کوکین اور منشیات تولنے والا آلہ بھی برآمد کیا گیا، جبکہ پولیس کا کہنا ہے کہ نیٹ ورک کے مزید پہلوؤں کی چھان بین جاری ہے۔