جنوبی وزیرستان لوئر کے علاقے وانا میں رستم بازار کے قریب ریموٹ کنٹرول دھماکے کے نتیجے میں 3 افراد جاں بحق جبکہ 4 زخمی ہو گئے۔
پولیس حکام کے مطابق دھماکے میں ایک قبائلی رہنما کی گاڑی کو نشانہ بنایا گیا، جبکہ جاں بحق افراد میں احمد زئی وزیر قبیلے کے سربراہ بھی شامل ہیں۔
واقعے کے بعد سیکیورٹی فورسز اور پولیس نے علاقے کو گھیرے میں لے کر تحقیقات شروع کر دی ہیں، جبکہ زخمیوں کو فوری طور پر اسپتال منتقل کر دیا گیا۔