سعودی عرب کے علاقے لینہ میں واقع کنگ عبدالعزیز تاریخی محل میں عظیم صحرائے نفوذ سے دریافت ہونے والے تقریباً چھ لاکھ سال قدیم جانوروں کے فوسلز نمائش کے لیے رکھے گئے ہیں۔ ان میں ہاتھی سمیت مختلف جانوروں کی باقیات شامل ہیں، جو قدیم جھیل کی تہہ سے برآمد کی گئی تھیں۔
ماہرین کے مطابق یہ فوسلز جزیرہ نمائے عرب کی قدرتی تاریخ، موسمیاتی تبدیلیوں اور حیاتیاتی تنوع کو سمجھنے میں اہم کردار ادا کرتے ہیں۔ یہ نمائش مملکت کے قدرتی ورثے کو اجاگر کرنے، سائنسی تحقیق کو فروغ دینے اور قدیم فوسل سائٹس کی اہمیت سے عوام کو آگاہ کرنے کی کوششوں کا حصہ ہے۔