بالی ووڈ اداکار عامر خان نے واضح کیا ہے کہ فلم 3 ایڈیٹس میں ان کا کردار رنچھوڑ داس سماجی کارکن سونم وانگ چک کی شخصیت پر مبنی نہیں تھا۔ انہوں نے کہا کہ فلم کی تیاری کے وقت نہ وہ اور نہ ہی مصنفین سونم وانگ چک کو جانتے تھے، اس لیے دونوں کو جوڑنا درست نہیں۔
عامر خان نے سونم وانگ چک کی خدمات کو سراہتے ہوئے ان کی بھوک ہڑتال پر تشویش کا اظہار کیا اور امید ظاہر کی کہ وہ جلد صحت یاب ہوں گے۔ رپورٹس کے مطابق سونم وانگ چک امتحانی نظام میں اصلاحات اور دیگر مطالبات کے حق میں گزشتہ کئی روز سے احتجاج اور بھوک ہڑتال جاری رکھے ہوئے ہیں۔