رواں سال کا پہلا سورج گرہن آج، ’رِنگ آف فائر‘ کا نظارہ

رواں سال کا پہلا سورج گرہن آج وقوع پذیر ہوگا، جسے ’رِنگ آف فائر‘ کہا جاتا ہے۔ محکمۂ موسمیات کے مطابق یہ گرہن پاکستان میں نظر نہیں آئے گا بلکہ افریقا اور جنوبی امریکا کے بعض علاقوں میں دیکھا جا سکے گا۔

جزوی سورج گرہن بحرِ اوقیانوس، بحرالکاہل اور بحرِ ہند کے کچھ حصوں میں بھی نظر آئے گا، جبکہ مکمل ’رِنگ آف فائر‘ کا منظر صرف انٹارکٹیکا میں دکھائی دے گا۔

پاکستانی وقت کے مطابق گرہن کا آغاز دوپہر 2 بج کر 56 منٹ پر ہوگا، عروج شام 5 بج کر 12 منٹ پر ہوگا اور اختتام شام 7 بج کر 28 منٹ پر متوقع ہے۔ محکمۂ موسمیات کا کہنا ہے کہ اس سال مجموعی طور پر دو سورج اور دو چاند گرہن ہوں گے۔