اسرائیل کے انتہائی دائیں بازو کے وزیرِ قومی سلامتی اتمار بن گویر نے غزہ کے حوالے سے ایک انتہائی متنازع اور اشتعال انگیز بیان دیا ہے۔ ایک پوڈ کاسٹ میں گفتگو کرتے ہوئے انہوں نے اسرائیلی فوج سے مطالبہ کیا کہ غزہ میں ہر رات 30 سے 40 فلسطینیوں کو قتل کیا جائے۔
اتمار بن گویر نے کہا کہ فوجی کارروائی صرف ان افراد تک محدود نہیں ہونی چاہیے جنہیں خطرہ سمجھا جاتا ہے، بلکہ انہوں نے غزہ میں موجود بعض فلسطینیوں کے بارے میں بھی انتہائی سخت اور توہین آمیز الفاظ استعمال کیے۔
ان کے بیان پر شدید ردِعمل سامنے آنے کا امکان ہے، کیونکہ اس میں شہریوں کے خلاف تشدد اور ہلاکتوں کو بڑھانے کی کھلی حمایت کی گئی ہے۔