سعودی سینٹر فار کلچر اینڈ ہیریٹیج کی ٹیم نے غزہ میں شاہ سلمان امدادی مرکز (کے ایس ریلیف) کے تعاون سے جاری ہنگامی سرجری منصوبے کا جائزہ لیا۔ وفد نے القدس اور الاہلی عرب ہسپتال کا دورہ کرکے انتظامیہ اور طبی عملے سے ملاقات کی اور منصوبے پر پیش رفت کا معائنہ کیا۔
ہسپتال انتظامیہ کے مطابق اس منصوبے سے ہنگامی آپریشنز میں تیزی آئی ہے، انتظار کرنے والے مریضوں کی تعداد کم کرنے میں مدد مل رہی ہے اور محدود وسائل کے باوجود طبی خدمات کی فراہمی ممکن ہو رہی ہے۔ حکام نے اس امدادی اقدام کو فلسطینی عوام کے لیے اہم انسانی تعاون قرار دیا۔