استنبول سے اسلام آباد آنے والی ترکش ایئر کی پرواز TK-710 کو آذربائیجان کی فضائی حدود میں اچانک فنی خرابی کا سامنا کرنا پڑا۔ صورتحال کے پیشِ نظر پائلٹ نے فوری طور پر ایمرجنسی کا اعلان کیا اور ایئر ٹریفک کنٹرول کی ہدایت پر طیارے کو باکو ایئرپورٹ پر بحفاظت اتار لیا۔
ذرائع کے مطابق خرابی گلوبل نیوی گیشن سیٹلائٹ سسٹم (GNSS) کے سگنلز متاثر ہونے کے باعث پیش آئی۔ تمام مسافروں کو بحفاظت طیارے سے اتار کر ٹرمینل منتقل کر دیا گیا، جبکہ انجینئرنگ ٹیم نے طیارے کی مرمت کا کام شروع کر دیا ہے۔ یہ پرواز مقررہ وقت کے مطابق اسلام آباد پہنچنے والی تھی، تاہم فنی خرابی کے باعث تاخیر کا شکار ہو گئی۔