مکہ مکرمہ میں منعقدہ ’اقرأ‘ نمائش میں قرآنِ کریم کا ایک ہزار سال قدیم نایاب نسخہ زائرین کی خصوصی توجہ کا مرکز بنا ہوا ہے۔ یہ تاریخی نسخہ معروف خطاط علی بن ہلال (ابن البواب) نے تحریر کیا تھا اور اسے اسلامی خطاطی کا ایک شاہکار تصور کیا جاتا ہے۔
اس نادر مخطوطے پر نہایت خوبصورت حاشیے اور نفیس خطاطی موجود ہے، جو اس کی علمی، فنی اور تاریخی اہمیت کو نمایاں کرتی ہے۔ ماہرین کے مطابق دنیا بھر میں اس معیار کے صرف چند ہی نادر نسخے موجود ہیں، جو مسلمانوں کی قرآنِ کریم سے محبت اور اسلامی ورثے کی عظمت کی عکاسی کرتے ہیں۔