پیٹرولیم لیوی میں اضافے سے عوام کو متوقع ریلیف نہ مل سکا

وفاقی حکومت نے پیٹرولیم لیوی میں اضافہ کر کے عوام کو ایندھن کی قیمتوں میں ممکنہ کمی سے محروم کر دیا۔ پیٹرول اور ڈیزل پر لیوی بڑھانے کے باعث قیمتیں کم ہونے کے بجائے برقرار رکھی گئیں۔

پیٹرول پر فی لیٹر لیوی میں 4 روپے 65 پیسے اضافہ کیا گیا جبکہ ڈیزل پر 80 پیسے فی لیٹر لیوی بڑھا دی گئی۔ پیٹرولیم ڈویژن کے نوٹیفکیشن کے مطابق پیٹرول پر لیوی بڑھ کر 84 روپے 27 پیسے اور ڈیزل پر 76 روپے 21 پیسے فی لیٹر ہو گئی ہے۔

یاد رہے کہ 16 جنوری سے نئی قیمتوں کا اطلاق ہوا، تاہم لیوی میں اضافے کے باعث صارفین کو کسی قسم کا ریلیف نہ مل سکا۔