وفاقی وزیر داخلہ محسن نقوی اور وزیراعلیٰ بلوچستان سرفراز بگٹی نے فرنٹیئر کور بلوچستان نارتھ کے ہیڈکوارٹر کا دورہ کیا جہاں انہوں نے یادگارِ شہداء پر حاضری دے کر شہداء کو خراجِ عقیدت پیش کیا۔
اس موقع پر آئی جی ایف سی بلوچستان نارتھ نے دونوں رہنماؤں کو فورس کی تربیت، آپریشنل تیاریوں اور پیشہ ورانہ کارکردگی سے متعلق بریفنگ دی۔ محسن نقوی نے ایف سی اہلکاروں کی بہادری اور دہشتگردی کے خلاف مؤثر کارروائیوں کو سراہتے ہوئے کہا کہ امن کے لیے ان کی قربانیاں قابلِ فخر ہیں۔
وزیراعلیٰ سرفراز بگٹی نے بھی اس عزم کا اظہار کیا کہ بلوچستان حکومت دہشتگردی کے خلاف جنگ میں سیکیورٹی فورسز کے ساتھ مکمل تعاون جاری رکھے گی۔