وزیرِ اعظم شہباز شریف نے وفد کے ہمراہ مدینہ منورہ میں مسجدِ نبوی ﷺ کی زیارت کی، جہاں ان کے لیے روضۂ رسول ﷺ کے دروازے خصوصی طور پر کھولے گئے۔
مدینہ پہنچنے پر گورنر شہزادہ سلمان بن سلطان نے ان کا استقبال کیا۔ وزیرِ اعظم نے روضۂ رسول ﷺ پر حاضری دے کر سلام پیش کیا اور ملک کی ترقی و عالمی امن کے لیے دعا کی۔
بعد ازاں وہ دوحہ جائیں گے جہاں امیرِ قطر شیخ تمیم بن حمد الثانی سے ملاقات متوقع ہے۔ گزشتہ روز وہ سعودی عرب پہنچے تھے اور ولی عہد محمد بن سلمان سے بھی اہم ملاقات کی۔