ریاض میں پبلک ٹرانسپورٹ نظام کی ترقی کے سلسلے میں ایک اہم پیش رفت سامنے آئی ہے، جہاں میٹرو نیٹ ورک کا سب سے بڑا مغربی اسٹیشن آج سے مکمل طور پر فعال کر دیا گیا ہے۔
حکام کے مطابق یہ اسٹیشن ریاض میٹرو کے مرکزی اور اہم ترین چار اسٹیشنوں میں سے ایک ہے اور اسے جدید سہولتوں سے آراستہ کیا گیا ہے۔ اس میں وسیع تجارتی علاقے، پارکنگ کی سہولت، عبادت کے لیے مسجد اور مسافروں کے آرام کے لیے مخصوص مقامات شامل ہیں۔
اس اسٹیشن کے ذریعے بڑی تعداد میں مسافروں کو تیز اور منظم سفری سہولت فراہم کی جا سکے گی، جبکہ یہ منصوبہ شہر میں ٹرانسپورٹ کے نظام کو مزید بہتر بنانے اور معیارِ زندگی بلند کرنے کے لیے اہم قدم قرار دیا جا رہا ہے۔