اسرائیلی وزیرِ قومی سلامتی اتمار بن گویر نے ہزاروں اسرائیلی باشندوں کے ہمراہ مسجدِ اقصیٰ میں داخل ہو کر اشتعال انگیز کارروائیاں کیں، جس پر فلسطینی حلقوں اور کئی اسلامی ممالک کی جانب سے شدید ردِعمل سامنے آیا ہے۔
اطلاعات کے مطابق یروشلم کے قدیم علاقے میں فلسطینیوں کی آمد و رفت محدود کر دی گئی جبکہ مسجدِ اقصیٰ کے اطراف سخت حفاظتی انتظامات نافذ کر کے متعدد دکانیں بھی بند کرا دی گئیں۔
سعودی عرب نے اس اقدام کی سخت مذمت کرتے ہوئے اسے اسلامی مقدسات اور عالمی قوانین کی کھلی خلاف ورزی قرار دیا ہے۔