ایران نے برکس ممالک سے مطالبہ کیا ہے کہ وہ مشرقِ وسطیٰ میں امریکا اور اسرائیل کی جنگی کارروائیوں اور عالمی قوانین کی خلاف ورزیوں کے خلاف واضح اور مشترکہ مؤقف اختیار کریں۔
نئی دہلی میں ہونے والے برکس پلس اجلاس کے دوران ایرانی وزیرِ خارجہ عباس عراقچی نے کہا کہ ایران غیر قانونی جارحیت اور دباؤ کا سامنا کر رہا ہے، اس لیے برکس ممالک کو متحد ہو کر ردِعمل دینا چاہیے۔
اجلاس میں مشرقِ وسطیٰ کی کشیدہ صورتحال، آبنائے ہرمز میں بڑھتی بے چینی اور عالمی معیشت پر ممکنہ اثرات بھی زیرِ بحث آئے، جبکہ مختلف رکن ممالک کے درمیان اختلافات کے باعث مشترکہ اعلامیے پر بھی سوالات اٹھ رہے ہیں۔