فیفا ورلڈ کپ 2026 میں سعودی عرب نے اپنی مہم کا آغاز شاندار مقابلے کے ساتھ کیا، جہاں یوراگوئے کے خلاف میچ 1-1 گول سے برابر رہا۔
میامی اسٹیڈیم میں کھیلے گئے اس میچ میں سعودی عرب نے پہلے ہاف میں برتری حاصل کی۔ عبداللہ العمری نے 40ویں منٹ میں گول اسکور کر کے ٹیم کو آگے کیا، جس کے بعد گرین فالکنز نے مضبوط دفاعی کھیل پیش کیا۔
تاہم دوسرے ہاف کے 80ویں منٹ میں یوراگوئے کے میکسمیلیان آراؤخو نے گول کر کے مقابلہ برابر کر دیا اور یوں دونوں ٹیموں نے ایک ایک پوائنٹ حاصل کیا۔
میچ میں بڑی تعداد میں شائقین موجود تھے جبکہ سعودی وزیرِ کھیل سمیت اہم شخصیات نے بھی گرین فالکنز کی حوصلہ افزائی کی۔ سعودی ٹیم نے ٹورنامنٹ کا آغاز ایک قیمتی پوائنٹ کے ساتھ کیا اور اب گروپ میں مقابلہ مزید دلچسپ ہو گیا ہے۔