عامر خان کا دعویٰ: اینٹی انفلامیٹری ڈائٹ سے وزن کم اور مائیگرین میں کمی

بالی ووڈ کے معروف اداکار عامر خان نے بتایا ہے کہ انہوں نے اینٹی انفلامیٹری ڈائٹ اپنا کر 18 کلو وزن کم کیا، جس کا اصل مقصد مسلسل مائیگرین سے نجات حاصل کرنا تھا۔

عامر خان نے کہا کہ یہ تبدیلی غیر ارادی طور پر ہوئی، اور ڈائٹ نے نہ صرف وزن کم کرنے میں مدد دی بلکہ مائیگرین کے دورے بھی کم کر دیے۔ انہوں نے اپنی مکمل ڈائٹ کی تفصیلات ظاہر نہیں کیں، تاہم کہا کہ یہ غذائی تبدیلی ان کی صحت پر مثبت اثرات مرتب کر رہی ہے۔

اینٹی انفلامیٹری ڈائٹ میں تازہ سبزیاں، پھل، ثابت اناج، خشک میوہ جات، بیج اور صحت مند چکنائی شامل ہوتی ہے، جبکہ پراسیسڈ غذائیں، سفید چینی اور ٹرانس فیٹس سے پرہیز کیا جاتا ہے۔