کراچی میں آج خشک موسم، رات کو ٹھنڈک اور صبح دھند کی پیشگوئی

محکمہ موسمیات کے مطابق کراچی میں آج دن کے وقت موسم خشک رہے گا جبکہ رات میں ٹھنڈک برقرار رہنے کی توقع ہے۔ شہر میں کم سے کم درجہ حرارت 12.5 ڈگری سینٹی گریڈ ریکارڈ کیا گیا ہے۔

محکمہ موسمیات کا کہنا ہے کہ آج زیادہ سے زیادہ درجہ حرارت 25 سے 27 ڈگری سینٹی گریڈ تک جا سکتا ہے۔ اس وقت شمال مشرقی سمت سے ہلکی ہوائیں چل رہی ہیں اور ہوا میں نمی کی شرح 94 فیصد ہے۔