وفاقی وزیر داخلہ محسن نقوی نے کہا ہے کہ پولیس افسران کی مالی حالت بہتر بنانے کے لیے عملی اقدامات کیے جا رہے ہیں تاکہ ہر افسر کو بہتر تنخواہ مل سکے۔ انہوں نے اسلام آباد میں نیشنل پولیس اکیڈمی کا دورہ کیا اور جاری ترقیاتی کاموں کا جائزہ لیا۔
زیرِ تربیت اے ایس پیز سے بات کرتے ہوئے انہوں نے بتایا کہ پاسنگ آؤٹ پر انہیں پلاٹس دیے جائیں گے اور انہیں عالمی معیار کے مطابق تربیت دی جائے گی۔ اس مقصد کے لیے افسران کو چین کے شہر بیجنگ میں خصوصی ٹریننگ کے لیے بھی بھیجا جائے گا۔
وزیر داخلہ کا کہنا تھا کہ پولیس ٹریننگ میں جدید ماڈیولز شامل کیے جائیں گے اور نیشنل پولیس فاؤنڈیشن کے ذریعے افسران کو بہتر سہولیات دی جائیں گی، جبکہ ترقی سے متعلق مسائل بھی حل کیے جائیں گے۔