جدہ کا اللؤلؤ بیچ، شمالی ابحر میں دلکش سیاحتی مقام

جدہ کے شمالی علاقے ابحر میں واقع اللؤلؤ بیچ اپنی سنہری ریت اور فیروزی پانیوں کے باعث سیاحوں کی توجہ کا مرکز بن گیا ہے۔
سعودی پریس ایجنسی کے مطابق یہ ساحل قدرتی خوبصورتی اور سمندر کی لہروں پر پڑتی سورج کی روشنی کے دلکش منظر کے باعث خاص اہمیت رکھتا ہے۔ یہاں تیراکی، غوطہ خوری اور مختلف واٹر اسپورٹس کے لیے بہترین سہولیات موجود ہیں۔
فیملیز کے لیے آرام دہ مقامات بھی مختص کیے گئے ہیں جبکہ سیکیورٹی اور صفائی کے انتظامات کو یقینی بنانے کے لیے عملہ موجود رہتا ہے۔ ساحل پر موجود کیفے بھی اس مقام کی خوبصورتی اور سیاحتی کشش میں اضافہ کرتے ہیں۔